Магнитогорскдаги турар-жойда юз берган портлаш оқибатида харобалар остида қолган одамларнинг қаерда эканлигини аниқлаш имконсиз. Бу ҳақда 2 январь, чоршанба куни Россия ФВВ матбуот хизматига таяниб, «Говорит Москва» радиостанцияси маълум қилди.
«Қолган жасадлар қаерда жойлашганлигини айтиш қийин. Биз экстрасенслар эмасмиз, олдиндан айта олмаймиз», — деди журналистларга Челябинск вилояти ФВВ бошқармаси матбуот маркази ходими Михаил Юрин.
ФВВ вакили юқори қаватларнинг қулаш хавфи мавжудлиги, шу сабабдан қидирув ишлари харобаларнинг чап қисмида олиб борилаётганлигини таъкидлади.
Қутқарув бошқармаси, шунингдек, ҳозирги вақтга келиб 22 кишининг жасади харобалар остидан чиқариб олинганлигини маълум қилди. Яна 19 кишининг тақдири номаълумлигича қолмоқда.
Эслатиб ўтамиз, портлаш 31 декабрь куни маҳаллий вақт билан 06:00 да рўй берди. Натижада икки подезд ўртасидаги арка устида жойлашган учинчидан тўққизинчи қаватгача бўлган бостирмалар қулаб тушди. 110 киши яшаётган 48 та хонадон жабр кўрди.
Изоҳ (0)