2019 йилнинг дастлабки уч ойи Дональд Трампни 2020 йилги сайловларда президентлик лавозимига қайта номзод бўлиши мумкин ёки йўқлигини аниқлайдиган муддат бўлади. Бу ҳақда «ТАСС» хабар берди.
Конгресснинг юқори палатаси ташқи ишлар қўмитаси раиси, республикачи Боб Коркер томонидан айтилган ушбу фикр «New York Times» нашрининг Трампни давлат раҳбари сифатида сайланиши номаълумлиги тўғрисидаги фикрига жавобан айтилди.
«Менимча, келгуси уч ой мамлакатимиз учун жуда муҳим давр бўлади. АҚШ Сенати бизнинг мамлакатимиз учун мураккаб вазиятга тайёргарлик кўриши ва ташқи сиёсатда янги катта хатоларга йўл қўймасликни муҳим деб ўйлайман», — дейди Коркер.
Сенатор, Трампни АҚШ президенти этиб қайта сайланишини хоҳлаяптими, деган саволга жавоб бермади. «Мен хоҳлайманми, хоҳламайманми бунинг аҳамияти йўқ», — дея жавоб берди.Сайлов марказий сайти маълумотларига кўра, 2020 йилги сайловларга тайёргарлик чоғида Республикачилар партиясидан, Дональд Трампга рақобатчи сифатида Теннесси штатидан Боб Коркер, Аризона штатидан Жефф Флаке, Арканзасдан Том Cоттон ва Техасдан Тед Круз иштирок этиши мумкин.
Изоҳ (0)