Ўзбекистон бош вазири Абдулла Арипов ва Беларусь бош вазири Сергей Румас ҳамкорлик бўйича иккиёқлама битимни имзолади, деб ёзади Sputnik Беларусь ҳукумати матбуот хизматига таяниб.
Йўл харитаси доирасида томонлар савдо, саноат, қишлоқ хўжалиги, фармацевтика ва соғлиқни сақлаш, қурилиш ва бошқа соҳаларда ҳамкорлик қилишга келишиб олди.
«Тадбирларнинг бир қисми гуманитар ҳамкорлик ва минтақалараро ҳамкорликни ривожлантириш, қардошлик алоқаларини ўрнатишга бағишланган», — деб аниқлик киритган Беларусь ҳукумати матбуот хизмати.
Мамлакатлар ўзаро озиқ-овқат етказиб беришни ташкил этишни режалаштиришмоқда. Хусусан, Беларусь томон солод ва шакар экспорт қилишга, Ўзбекистон томон эса қуритилган мевалар ҳажмини оширишга тайёрлигини билдирган.
«Мева-сабзавот ва бошқа маҳсулотлар ўзаро савдо ҳажми йилига 10 миллион долларга ортиши режалаштирилган», — дейилади хабарда.Шунингдек, икки давлат сут, дориворлар, тиббий анжомлар, мини-тракторлар, велосипедларни ишлаб чиқиш бўйича қўшма корхоналарни ташкил этиш масалаларини муҳокама қилмоқда.
Изоҳ (0)