Эртага ФИФА кунлари доирасида Эктор Купер бошчилигидаги Ўзбекистон миллий терма жамоаси Тошкентда КХДР терма жамоасига қарши кураш олиб боради. Бугун, 12 октябрь санасида Эктор Купер ўйиндан олдинги матбуот анжуманида иштирок этди, деб хабар беради «Дарё» мухбири.
Шуни таъкидлаб ўтиши керакки, эртанги баҳс навбатдаги синов бўлади. Ўзбекистон терма жамоаси ўйинини шакллантиришда давом этамиз. Сурия ва Эрон билан ўйинлардан кейин ўзгаришлар борми ёки йўқми шуни текширамиз. Синов деган сўзни кўп такрорлаяпман. Осиё Кубогига қадар кўп синов ўтказамиз. Таркибда янги футболчилар бор. Ўйинимизда ҳам ўзгаришлар бўлади. Камчиликлар ва хатолар устида ишлаш учун қулай имконият. Мен терма жамоада умуман ўйнамаган эмас кўп ҳам чақирилмаган футболчиларни назарда тутдим. Масалан, Жавоҳир Сидиқов ва бошқалар. Улар терма жамоада битта ёки иккита ўйин ўтказган холос. Эртага ҳужумкор ўйин кўрасизлар, деб айта олмайман. Услубим натижа олиб келадиган ўйин кўрсатиш. Мухлислар ва журналистларга ҳимоявий ўйин ёқмайди. Эртага ҳужумкор ўйин намойиш этиб беришим мумкин, лекин натижа бўлмаслиги мумкин. Доим мураббийнинг таркиб борасидаги танлови ҳаммага ҳам ёқмайди. Аммо бош мураббий нимага у ёки бу футболчини чақирмаганини тушунтириб беришга мажбур эмас. Бу йиғинга чақирилмаган футболчи менга ёқмади дегани эмас. Сабаби Осиё Кубогига қадар имкон қадар кўпроқ футболчиларни синаб кўришим керак. Сентябрь ва октябрь ойидаги йиғинга жалб этилган футболчилар терма жамоанинг Осиё Кубогида асосий ўзаги бўлади демаган бўлардим. Ноябрь ойида ҳам йиғин бор. Ана ўша йиғиндаги таркиб қисман БААга борадиган таркибга яқин бўлади.Эктор Купер, Ўзбекистон терма жамоаси бош мураббийи
Изоҳ (0)