Бугун, 27 сентябрь санасида Ўзбекистон Кубогининг ярим финалидан ўрин олган биринчи жуфтлик учрашуви бўлиб ўтди.
Қўқон шаҳрида мезбон «Қўқон-1912» жамоаси Тошкентнинг «Пахтакор» клубига қарши майдонга тушиб, 2:5 ҳисобидаги мағлубиятни қабул қилди. Ҳисоб 1-дақиқада «Пахтакор» легионери Тиаго Безерра томонидан очилди. 6-дақиқада Мурод Холмуҳаммедов пенальтидан ҳисобни тенглаштирди. 20-дақиқада Дилшод Раҳматуллаев «шерлар»ни ҳисобда олдинга олиб чиққан бўлса, биринчи бўлимга қўшиб берилган дақиқада Исмоил Гонсалвеш ҳисобнинг 1:3 кўриниш олишини таъминлади. Иккинчи бўлимнинг 66-дақиқасида Жалолиддин Машарипов ҳисобни янада йириклаштирди. 77-дақиқада Тиаго Безерра дублга эришди. Иккинчи бўлимга қўшиб берилган дақиқада эса Игорь Сергеев автогол соҳибига айланди.
Шу тариқа «Пахтакор» Ўзбекистон Кубоги финалига йўл олди. Эртага «Бунёдкор»—АГМК жамоалари ўртасидаги беллашувдан сўнг иккинчи финалчи номи маълум бўлади.
Ўзбекистон Кубоги
1/2 финал беллашуви
27 сентябрь, пайшанба
«Қўқон-1912» – «Пахтакор» 2:5
Голлар: 1:0—1 Тиаго Безерра, 1:1—6 пенальти Мурод Холмуҳаммедов, 1:2—20 Дилшод Раҳматуллаев, 1:3—45+1 Исмоил Гонсалвеш, 1:4—66 Жалолиддин Машарипов, 1:5— 77 Тиаго Безерра, 2:5—90+1 автогол Игорь Сергеев.«Қўқон-1912»: Ўткир Юсупов, Ғиёс Комилов (Суҳроб Бердиев, 46), Жавоҳир Сидиқов, Фирдавс Асадов (Беҳруз Саъдиллаев, 70), Ойбек Рустамов, Қувондиқ Рўзиев (Баҳодир Акрамов, 70), Мурод Холмуҳаммедов, Александр Мерзляков, Марко Милич, Иқбол Маликжонов (Носирбек Отақўзиев, 46), Муҳаммаданас Ҳасанов (Дарко Гожкович, 58).
«Пахтакор»: Элдорбек Суюнов, Фаррух Сайфиев, Егор Кримес, Шерзод Аъзамов, Акмал Шораҳмедов, Азим Аҳмедов (Владимир Козак, 72), Дилшод Раҳматуллаев (Жамшид Искандеров, 81), Жалолиддин Машарипов (Жасур Яхшибоев, 81), Драган Черан (Баҳром Абдураҳимов, 82), Исмоил Гонсалвеш, Тиаго Безерра (Игорь Сергеев, 78).
Изоҳ (0)