Ғофур Раҳимов ва Серик Конакбоев AIBA президентлигига номзод сифатида кўрсатилди

Халқаро бокс ассоциацияси (AIBA) президенти вазифасини бажарувчи Ғофур Раҳимов ва ташкилотнинг вице-президенти Серик Конакбаев AIBA президентлиги учун номзод сифатида кўрсатилди. Бу ҳақда Россия Бокс федерацияси бош котиби Умар Кремлов хабар берди, деб ёзади «ТАСС».

23 сентябрь, якшанба куни AIBA президенти лавозимига номзодлар аризаларини топшириш якунланди. Президентликка сайлов эса 2—3 ноябрь кунлари Москвада бўлиб ўтади. «Ғофур Раҳимов ва Серик Конакбаевлар номзоди илгари сурилди», — деб баёнот берган Умар Кремлев.

Ааввалроқ Ғофур Раҳимов ва Халқаро олимпия қўмитаси (ХОҚ) ўртасида муаммо пайдо бўлгани ҳақида хабар берилганди. ХОҚ Раҳимовга номзодини бекор қилишни тавсия қилиб, бундай бўлмаган тақдирда бокс Олимпия ўйинлари дастуридан чиқариб юборилиши мумкинлиги борасида огоҳлантирилди.

Аммо AIBA раҳбари бу қўнғироқларга ўз муносабатини билдириб, ташкилот президентлиги учун номзодини илгари суришини маълум қилди.