Тошкентда Ўзбекистон хусусий сайёҳлик ташкилотлари уюшмаси аъзолари ва «Ўзбекистон ҳаво йўллари» МАК вакиллари ўртасида навбатдаги учрашув бўлиб ўтди, деб ёзади «Podrobno.uz».
Томонлар 2019 йил баҳор-ёз мавсуми жадвалига учта янги ички рейсларни қўшиш ҳақида келишиб олди, шунингдек, аэропорт ва самолётларда чет эллик меҳмонларга хизмат кўрсатиш бўйича бир қатор масалалар ечимларини муҳокама қилди.
Туроператорлар мамлакат сайёҳлик марказлари ўртасидаги рейсларни қайта тиклаш ва янгиларини ишга тушириш зарурлигини таъкидлади. Хусусан, Урганч ва Фарғона водийси шаҳарларини боғловчи рейсларни жорий қилиш муҳимлиги қайд этилди.
Туроператорлар ва авиаторлар «Бухоро—Урганч» рейсини ишга тушириш ҳақида келишиб олди. Бундан ташқари, жадвалга жума кунлари «Тошкент—Урганч» кечки рейси қайтади.
Изоҳ (0)