Бугун,

  • USD 11095.31
  • RUB 173.84
  • EUR 10772.44

Тошкент шаҳар ИИББ ЙҲХБ ходимлари жамоат транспортлари ҳайдовчилари билан тушунтириш ишларини олиб бормоқда, деб хабар беради ИИББ матбуот хизмати.

Фото: ИИББ

Фото: ИИББ

Уларда йўл ҳаракати қоидаларига амал қилиш, шунингдек транспорт воситасини бошқариш тартиби ва шароитларини ҳисобга олиш, йўловчилар хавфсизлигини таъминлаш ва уларга сифатли хизмат кўрсатиш каби мавзуларда ўзаро мулоқот қилинмоқда. Маълумот ўрнида, шу йилнинг 26 июль куни Яккасарой туманида MAN русумли автобус билан содир бўлган воқеани олайлик: ҳайдовчи чарчоқ аломати билан транспорт бошқарувига ўтириши оқибатида йўлда ухлаб қолган.

Шунингдек, ушбу йил бошидан буён Тошкент шаҳар ИИББ ЙҲХБ ходимлари томонидан жамоат транспортлари воситаларининг ҳолатига доир 722 марта мулоқот ва мониторинглар олиб борилган. 851 та транспорт воситасида аниқланган камчиликлар жойида бартараф этилган. Носозлик аниқланган 486 та транспорт воситаси йўналишга қўйилмаган. 1013 нафар ҳайдовчига ва 59 нафар масъул раҳбар ходимларга йўл қўйилган камчиликлар ва қоидабузарликлар учун маъмурий баённомалар тузилган ва 23та ёзма огоҳлантиришлар юборилган. Бундан ташқари, мавзу юзасидан ОАВ орқали тарғибот-ташвиқот ишлари олиб борилмоқда.

Жамоат транспортлари воситалари билан боғлиқ кўнгилсиз ҳолатларнинг асл сабаб ва омилларини аниқлаш мақсадида йўналишлардаги жамоат транспорти воситаларида текширув ишлари олиб борилмоқда.

Шу йилнинг 14 август куни Мирзо Улуғбек туманида соат 6.00да Тошкент ҳалқа автомобиль йўлида ҳаракатланаётган Isuzu русумли автобус тўхтатилганда, (давлат рақами 01 859 QSA, «2 Автобус саройи» МЧЖ) ҳайдовчи Д.Нурматов транспорт воситасини тегишли ҳужжатларсиз бошқариб бораётгани аниқланди. Шу сабабли ҳайдовчи ва унинг раҳбари А.Моргуновга нисбатан маъмурий баённома тузилди.

Худди шу куни Олмазор тумани, Янги Олмазор кўчасида Isuzu русумли (давлат рақами 01 587 ASА, «3-Автобус саройи» МЧЖ) автобус тўхтатилди. Текширув вақтида мазкур автобус техник носоз бўлишига қарамасдан, йўналишга чиқарилгани маълум бўлди. Шунга кўра, ҳайдовчи М. Ҳошимов ва раҳбари Б.Ҳайитовга нисбатан тегишли чоралар кўрилди. Шунингдек транспорт воситаларини белгиланмаган жойда сақлагани учун «Газ-3221» русумли (давлат рақами 01 902 АДА ва 01 117 БДА,«Раҳмон Транс Сервис» МЧЖ) микроавтобуслар ҳайдовчилари Ф.Акбаров ва А.Умаровларга нисбатан ҳам маъмурий баённомалар тузилди.

15 август куни ўтказилган текширувларда ҳам бир қатор қоидабузарликлар аниқланди. Жумладан, Мирзо Улуғбек тумани Авайхон кўчасида соат 6.30 да «Газ-322132» русумли микроавтобус (давлат рақами 01 326 ЗCА, «Зилола транс») тўхтатилди. Транспорт воситаси ҳайдовчиси Д.Норхўжаевга салон эшигини ёпмай бошқаргани маъмурий баённома тузилди.

Такси ҳайдовчилари (Nexia, 01 498 ТTS ва 01 492 ТTS, «Хенон транспорт бизнес» МЧЖ) Т.Шарипов ва Ф.Алибеков ҳамда уларнинг раҳбари Ж.Собировга эса транспорт воситаларини сақлаш қоидаларини бузганлиги учун чоралар кўрилди.

Изоҳ
Асосий янгиликлар
Маҳаллий
Озиқ-овқат нархлари тез ўсмоқда: Ўзбекистонда ноябрда 1,3 фоизлик инфляция қайд этилди
Маҳаллий
Ўзбекистонда интернетда қимор ва таваккалчиликка асосланган ўйинлар учун жавобгарлик белгиланмоқда
Дунё
Садир Жапаров Ўш воқеалари бўйича судга чақирилди