Осиё ўйинларига йўл олган Ўзбекистон делегацияси ҳисобига 1-олтин медаль ҳам ёзилди. Иккинчи медаль ҳам эркин курашчилар томонидан қўлга киритилди.
74 кг вазн тоифасида Ўзбекистон шарафини ҳимоя қилган Бекзод Абдураҳмонов олтин медаль учун қозоғистонлик Данияр Каисановга қарши курашиб, 3:2 ҳисобида ғалаба қозонди.
Таъкидлаш жоиз, Бекзод Абдураҳмонов энди икки карра Осиё ўйинлари ғолиби. Абдураҳмонов 2014 йили Инчхонда ўтказилган Осиё ўйинларида ҳам Ўзбекистонга илк олтин медални олиб берганди.
Аввалроқ 65 кг вазн тоифасида иштирок этган Сирожиддин Ҳасанов бронза медаль учун баҳсда мўғулистонлик Батмагнаи Батчулуунни мағлубият этиб, Ўзбекистон учун илк медални олиб берганди.
Изоҳ (0)