Бугун, 19 август санасида Равшан Ҳайдаров бошчилигидаги Ўзбекистон олимпия терма жамоаси Индонезиядаги Осиё ўйинларининг 3-турида Таиланд терма жамоасига қарши кураш олиб борди.
Расмиятчилик учун 3-тур ўйинида қатнашган Ҳайдаров шогирдлари 17-дақиқада Забиҳилло Ўринбоевнинг голи сабаб, Таиландни ҳам мағлуб этди ва гуруҳда юз фоизлик натижа кўрсатди.
Илк турда ўзбекистонлик футболчилар Бангладеш терма жамоасига қарши ўйин ўтказиб, йирик 3:0 ҳисобида ғалаба қозонганди. Иккинчи турда эса Қатар 6:0 ҳисобида тор-мор этилди. Шу тариқа олимпиячилар муддатдан аввал гуруҳда биринчи ўринни эгаллаган эди.
Гуруҳдаги иккинчи учрашувда эса Бангладеш термаси Қатар устидан 1:0 ҳисобида ғалабага эришди.
Осиё ўйинлари—2018
«B» гуруҳи, 3-тур беллашуви
19 август, якшанба
Таиланд — Ўзбекистон 0:1
Гол: 0:1—17 Забиҳилло Ўринбоев.
Аниқ амалга оширилмаган пенальти: Жалолиддин Машарипов (40)
Таиланд: Кванчай Суклом, Пави Тансатеми, Сурия Сингмуй, Шиннафат Лиао, Фитиват Сукжицуммакул, Нопфон Фонкам, Ворачит Каницрибумфен (Монтри Промсават, 69), Ченроп Шамфаоди (Сапачай Шайдед, 60), Чаяват Буран (Танасит Сирипала, 84), Раттанокорн Майками, Супачок Сарачат.
Ўзбекистон: Ботирали Эргашев, Рустамжон Ашурматов, Ҳожиакбар Алижонов, Акромжон Комилов (Аббосжон Отахонов, 55), Жалолиддин Машарипов, Одилжон Ҳамробеков, Забиҳилло Ўринбоев, Жавоҳир Сидиқов (Хуршид Ғиёсов, 81), Икромжон Алибоев, Азизбек Турғунбоев (Достонбек Ҳамдамов, 58), Достонбек Турсунов
Огоҳлантиришлар: Шиннафат Лиао (28), Кванчай Суклом (40) — Рустамжон Ашурматов (90+4)
Изоҳ (0)