Coca-Cola компанияси бу йил иккита юбилей нишонламоқда – Ўзбекистондаги фаолиятининг 25 йиллиги ва Тошкентдаги «Мега-Завод» ишлаётганининг 20 йиллиги. Компания 2018 йилда ўз олдига Ўзбекистондаги фаолияти давомидаги рекорд миқдорда ичимликлар ишлаб чиқаришни мақсад қилиб қўйган. Яъни, 60 миллион юнит-кейс – қарийб 350 миллион литр тайёр маҳсулот дегани.
«Ўтган йиллар давомида компания Ўзбекистон Республикасида катта натижалар, ишлаб чиқаришнинг барқарор ўсиши ва ривожланишга эришганини фахр билан қайд этишимиз мумкин. 1998 йил 12 август куни «Мега-Завод»да Coca-Cola’нинг шиша идишлардаги илк ичимликлар партияси чиқарилган эди. Ҳозирги кунда маҳсулотларимиз 9 турдан иборат бўлиб, пластик ва шиша идишларда турли ҳажмда ишлаб чиқарилади. Яқин келажакда янги маҳсулотларни ишлаб чиқариш ва модернизациялаш режалаштирилмоқда»– деди ҚК МЧЖ «Coca-Cola Ichimligi Uzbekiston, Ltd» бош директори Анвар Хаджиев.
«Мега-Завод»нинг 20 йиллик юбилейи муносабати билан ўтказилган тадбирда унинг очилишидан буён ишлаётган 105 нафар ходимга эсдалик совғалари топширилди. Шунингдек, заводнинг собиқ ходимлари – фахрий меҳмонлар сифатида ташриф буюрган пенсионерлар учун тантанали учрашув ўтказилди. Байрамона муҳитда яна 11 ходим нафақага кузатилди. Бундан ташқари, «Мега-Завод»нинг 20 ходимига уларнинг бизнес ривожи ва ишга қўшган ҳиссаси учун фахрий ёрлиқлар берилди.
Экологик ишлаб чиқариш
Йилдан йилга компания чиқиндилар ҳажми ва ишлаб чиқришнинг атроф муҳитга таъсирини камайтиришга ҳаракат қилмоқда. Компаниянинг Ўзбекистондаги барча уч заводида ишлаб чиқариш ва муҳандислик жиҳозлари учун ишлатиладиган сув тозалашнинг етук тизими фаолият юритмоқда. Ишлаб чиқариш жараёнидаги деярли барча чиқиндилар, шу жумладан, идишлар ва ҳ.к. қайта ишлаб чиқаришга юборилади.2018 йилда Тошкент ва Намангандаги завода тайёр маҳсулотни ишлаб чиқаришда фойдаланадиган тозаланган сувнинг ишлатилишини сезиларли равишда камайтириш лойиҳаси амалга оширилди. Шунингдек, мазкур лойиҳа Урганчда ҳам амалга оширилади.
«Менинг фикримча, Ўзбекистондаги Coca-Cola компаниясининг муваффақияти сири – бутун дунёга машҳур ва севимли бренд ичимлигининг ўзгармас юқори сифатидадир. Энг асосийси эса, ўз ишининг устаси бўлган 1350 нафар ходимнинг ишига садоқати. Айтиш жоизки, уларнинг қарийб 100 фоизи Ўзбекистон фуқаролари. Коллективимизга катта миннатдорчилик билдириб, ғурур билан шуни айтаманки, ишлаб чиқариш модернизацияси ва иш жараёнларини тегишли тренинг ва малака оширишдан кейин айнан маҳаллий ходимлар олиб борган, Ўзбекистонда ҳам, чет элда ҳам», – дея фикр билдирди компания бош директори Анвар Хаджиев.
Изоҳ (0)