Coca-Cola kompaniyasi bu yil ikkita yubiley nishonlamoqda – O‘zbekistondagi faoliyatining 25 yilligi va Toshkentdagi “Mega-Zavod” ishlayotganining 20 yilligi. Kompaniya 2018-yilda o‘z oldiga O‘zbekistondagi faoliyati davomidagi rekord miqdorda ichimliklar ishlab chiqarishni maqsad qilib qo‘ygan. Ya’ni, 60 million yunit-keys – qariyb 350 million litr tayyor mahsulot degani.
“O‘tgan yillar davomida kompaniya O‘zbekiston Respublikasida katta natijalar, ishlab chiqarishning barqaror o‘sishi va rivojlanishga erishganini faxr bilan qayd etishimiz mumkin. 1998-yil 12-avgust kuni “Mega-Zavod”da Coca-Cola’ning shisha idishlardagi ilk ichimliklar partiyasi chiqarilgan edi. Hozirgi kunda mahsulotlarimiz 9 turdan iborat bo‘lib, plastik va shisha idishlarda turli hajmda ishlab chiqariladi. Yaqin kelajakda yangi mahsulotlarni ishlab chiqarish va modernizatsiyalash rejalashtirilmoqda”– dedi QK MChJ “Coca-Cola Ichimligi Uzbekiston, Ltd” bosh direktori Anvar Xadjiyev.
“Mega-Zavod”ning 20 yillik yubileyi munosabati bilan o‘tkazilgan tadbirda uning ochilishidan buyon ishlayotgan 105 nafar xodimga esdalik sovg‘alari topshirildi. Shuningdek, zavodning sobiq xodimlari – faxriy mehmonlar sifatida tashrif buyurgan pensionerlar uchun tantanali uchrashuv o‘tkazildi. Bayramona muhitda yana 11 xodim nafaqaga kuzatildi. Bundan tashqari, “Mega-Zavod”ning 20 xodimiga ularning biznes rivoji va ishga qo‘shgan hissasi uchun faxriy yorliqlar berildi.
Ekologik ishlab chiqarish
Yildan yilga kompaniya chiqindilar hajmi va ishlab chiqrishning atrof muhitga ta’sirini kamaytirishga harakat qilmoqda. Kompaniyaning O‘zbekistondagi barcha uch zavodida ishlab chiqarish va muhandislik jihozlari uchun ishlatiladigan suv tozalashning yetuk tizimi faoliyat yuritmoqda. Ishlab chiqarish jarayonidagi deyarli barcha chiqindilar, shu jumladan, idishlar va h.k. qayta ishlab chiqarishga yuboriladi.2018-yilda Toshkent va Namangandagi zavoda tayyor mahsulotni ishlab chiqarishda foydalanadigan tozalangan suvning ishlatilishini sezilarli ravishda kamaytirish loyihasi amalga oshirildi. Shuningdek, mazkur loyiha Urganchda ham amalga oshiriladi.
“Mening fikrimcha, O‘zbekistondagi Coca-Cola kompaniyasining muvaffaqiyati siri – butun dunyoga mashhur va sevimli brend ichimligining o‘zgarmas yuqori sifatidadir. Eng asosiysi esa, o‘z ishining ustasi bo‘lgan 1350 nafar xodimning ishiga sadoqati. Aytish joizki, ularning qariyb 100 foizi O‘zbekiston fuqarolari. Kollektivimizga katta minnatdorchilik bildirib, g‘urur bilan shuni aytamanki, ishlab chiqarish modernizatsiyasi va ish jarayonlarini tegishli trening va malaka oshirishdan keyin aynan mahalliy xodimlar olib borgan, O‘zbekistonda ham, chet elda ham”, – deya fikr bildirdi kompaniya bosh direktori Anvar Xadjiyev.
Izoh (0)