Бугун,

  • USD 11095.31
  • RUB 173.84
  • EUR 10772.44

Ўзбекистон давлат санъат музейининг «Ўзбекистон халқ амалий санъати», «Ўзбекистон тасвирий санъати», «Россия ва Ғарбий Европа давлатлари санъати», «Хорижий Шарқ мамлакатлари санъати» деб номланган асосий бўлимларда тўқсон саккиз мингдан ортиқ ашё ва коллекция сақланмоқда, деб ёзади ЎзА.

Фото: ЎзА

Фото: ЎзА

Музей экспозициясида Ўзбекистон, Россия ва Ғарбий Европа мамлакатлари тасвирий санъат усталари асарларига кенг ўрин берилган. Бу санъат асарлари Ўзбекистон ва хорижликлар қизиқишини уйғотиб келмоқда. Латвия Фанлар академияси президенти Оярс Сарритис мамлакатга ташрифи чоғида ушбу масканда бўлиб, бу ерда юқори даражада сақланаётган Европа санъати коллекциялари ва улар орасида ватандоши — рассом Карл Гуннинг «Кўк кўйлакдаги аёл» сурати борлигидан жуда қувонгани бунга яққол мисол.

Фото: ЎзА

Фото: ЎзА

«1897—2011 йилларга оид Ўзбекистон миллий ранг тасвир ва графиканинг ривожланиш мактаби ва унинг шаклланиш жараёнларини И.Казаков, Р.Зоммер, П.Бенков, А.Николаев, А.Волков, Н.Карахан, Ў.Тансиқбоев, А.Абдуллаев, Р.Аҳмедов, Ч.Аҳмаров, Ж.Умарбеков, Б.Жалолов, А.Нуриддинов ва бошқа йирик мўйқалам соҳиблари асарларида кўришимиз мумкин, — дейди музей директори Васила Файзиева. – XV-ХХ асрлардаги Россия тасвирий санъати мухлисларни рус иконаларидан тортиб, Д.Левицкий, В.Суриков, В.Боровиковский, О.Кипренский каби йирик рангтасвир усталарининг асарлари билан яқинроқ таништиришга имкон яратади. Дунёга машҳур абстраксионизм ва авангардистларнинг ёрқин ижодкорлари В.Кандинский, А.Явленский, И.Клюн, Э.Стенберг, П.Кончаловский асарлари ҳам музей коллекциясидан ўрин олган».

Ғарбий Европа тасвирий санъат асарлари ҳам ўзининг тарихийлиги билан ажралиб туради. Масалан, номаълум рассом томонидан чизилган «Биби Марям гўдак билан» (XV аср, Италия), Д.Доменикинонинг «Сивилла» (ХVII аср, Италия), П.Хуаннинг «Испан қироли Филиппе III портрети» (Испания, 1599 йил), Г.Ринггленинг «Эркак портрети» (Германия, 1606 йил) каби асарлари ўзбек халқи ва сайёҳлар диққат-эътиборида.

Изоҳ
Asosiy yangiliklar
Маданият
Демет Ўздемир янги лойиҳада суратга тушади, Иброҳим Челиккол эски уйига кўчиб ўтди. Турк киноси янгиликлари
Спорт
Бразилия етакчи, Франция — 2, Аргентина 5-ўринда. The Guardian ЖЧ—2022 фаворитлари рўйхатини эълон қилди
Спорт
Криштиану Роналду ЖЧ—2022 вақтида Португалия терма жамоаси базасини тарк этмоқчи бўлган