Аввалроқ Ўзбекистонда сайёҳлик компанияларига бир қатор имтиёзлар тақдим этилгани, улар орасида солиқ солинадиган базани камайтириш ҳам борлиги хабар берилган эди. Энди эса Ўзбекистон Молия вазирлиги, Давлат солиқ қўмитаси ва Туризмни ривожлантириш давлат қўмитасининг қўшма қарори билан ушбу имтиёзларни тақдим этиш тартиби тасдиқланди, деб ёзади Spot.
Унга мувофиқ, солиқ солинадиган база қуйидаги суммаларга камайтирилади:
100 миллион сўмгача — хўжалик юритувчи субъектларнинг 2020 йилнинг 1 январига қадар санитария қоидалари, меъёрлари ва гигиена нормативларига мувофиқ келадиган замонавий санитария-гигиена тармоқларини қайта тиклаш, капитал таъмирлаш ва қуришга йўналтирилган харажатлари;
12 миллион сўмгача — ҳар йили 2025 йилнинг 1 январига қадар хо;жалик юритувчи субъектларнинг санитария қоидалари, меъёрлари ва гигиена нормативларига мувофиқ келадиган замонавий санитария-гигиена тармоқларини, туризм инфратузилмаси объектларини сақлашга йўналтирилган харажатлари.
Хўжалик юритувчи субъектларнинг солиқ солинадиган базасини 100 миллион сўмгача камайтириш имтиёзига эга бўлиш учун солиқ тўловчи Соғлиқни сақлаш вазирлигининг тегишли давлат санитария-эпидемиология назорати марказларининг хулосасини олиши лозим.
2020 йил 1 февралгача марказнинг хулосаси олинмаган тақдирда, солиқ тўловчининг ушбу объектнинг тегишли қисмига нисбатан солиқ солинадиган базасини камайтиришга бўлган имтиёз бекор қилинади ва у солиқ солинадиган базасининг камайтирилган даврлари учун аниқлаштирилган солиқ ҳисоботларини қонун ҳужжатларида белгиланган тартибда тақдим этиши лозим.
Изоҳ (0)