Перуда озиқ-овқатдан оммавий заҳарланиш қайд қилинди. Бу ҳақда «Синьхуа» агентлигига таяниб, «Труд» хабар бермоқда.
Оммавий заҳарланиш оқибатида 10 киши ҳалок бўлган. Фавқулодда ҳолат 6 август, душанба куни Перу жанубидаги Аякучо провинциясининг Сан-Хосе-де-Ушуа аҳоли пунктида қайд этилган.
Перу оммавий ахборот воситаларининг хабарларига қараганда, мотам маросимига келган кишилар озиқ-овқатдан заҳарланган. Таом истеъмол қилинганидан кейин 52 киши ўзини ёмон ҳис қилишни бошлаган.
Шу кунга қадар 10 киши ҳалок бўлган. Жабрланганлар Лима ва мамлакатнинг бошқа йирик шаҳарларидаги шифохоналарга жойлаштирилган. 21 нафар жабрланганларнинг ҳолатини шифокорлар оғир дея баҳоламоқда.
Перу соғлиқни сақлаш вазири Силвия Пессахнинг маълум қилишича, жабрланганлар истеъмол қилган таом таркибида инсектицидлар (ҳашаротларни ўлдиришга мўлжалланган кимёвий моддалар) аниқланган.
Изоҳ (0)