Қозоғистонлик аёл 1991 йилда мамлакат президенти Нурсултон Назарбоевга хат ёзиб, унга чарм куртка совға қилишни сўрагани ҳақида гапириб берди, деб ёзади «Nur.kz».
«Ҳозир бу кулгили кўринади, аммо ўшанда эркатой талаба қизнинг куртка кийишни исташи кулгили эмас эди, чунки у даврда чарм курткани бутун мамлакатни қидириб топиб бўлмас эди. 1991 йилда ҳатто озиқ-овқат маҳсулотлари талон билан берилар эди», — деди Айман Амрина.
У мактуби президентгача етиб бормаганини, аммо унга жавоб келганини айтди. Унга ўзи яшайдиган шаҳар маъмуриятидан жавоб юборишган.
Унда бир қатор маълумотлар билан бирга, 1991 йил майидан декабригача табиий чарм кийим-кечаклар тақсимот учун келиб тушмагани ва шу сабабли унинг илтимоси қондирила олмаслиги айтилган.
Изоҳ (0)