Ўзбекистон Адлия вазирлиги мулк ва ижара ҳақидаги қонунларни кучдан қолган деб эълон қилишни таклиф этмоқда, деб ёзади Spot ҳуқуқий ҳужжатлар муҳокамаси порталига жойланган лойиҳага таяниб.
Лойиҳада таъкидланишича, қонунларнинг қабул қилиниши (биттаси 1990, иккинчиси 1991 йилда) ўз вақтида мамлакатда бозор муносабатларининг жорий этилишига ва ривожланишига имкон берган. Шу билан бирга, мулк тўғрисидаги қонунда мулкнинг бир нечта шакллари (хусусий, ширкат, коммунал, аралаш ва бошқалар) белгиланган.
Ҳозирда эса ушбу шакллар амалдаги қонунчиликка мос эмас, унга кўра, мамлакатда мулк икки хил шаклда мавжуд (хусусий ва жамоатчилик).
Бундан ташқари, мулк тўғрисидаги қонун меъёрларининг асосий қисми эскирган, баъзилари эса қатор қонунларда такрорланади. Кўплаб тушунчалар ва терминлар ҳозирда ишлатилмайди.
Ижара тўғрисидаги қонунда ҳам шунга ўхшаш вазият.
Шуларга асосланилганда, «Ўзбекистон Республикасида мулк тўғрисида»ги ва «Ижара тўғрисида»ги қонунлар амалда ўз аҳамиятини йўқотган. Бошқача айтадиган бўлсак, айни пайтда уларнинг қоидалари Ўзбекистонда қонунчилик тараққиётининг ҳозирги ҳолатига ва иқтисодий ривожланиш тенденцияларига мос келмайди.
Шу муносабат билан муассаса иккала ҳужжатни ҳам кучини йўқотган деб эълон қилишни таклиф этмоқда.
Изоҳ (0)