6 августдаги тест имтиҳонлари натижалари эълон қилинди

Ўзбекистон бош вазири ўринбосари Азиз Абдуҳакимов 6 август куни бўлиб ўтган тест имтиҳонлари жараёни ҳақида ахборот берди. У бу ҳақда Facebook’даги саҳифасида ёзиб қолдирди.

6 август куни тест синовлари шахсни идентификациялаш воситалари, видеофиксация ҳамда доимий видеокузатув қурилмалари билан жиҳозланган 57 та бинода 16 та олий таълим муассасаларининг 58 та таълим йўналиши бўйича ўтказилган.

Тест синовларида 57 832 нафар абитуриент иштирок этган. Тест синовларига 1 602 нафар абитуриент келмаган. Тест синовлари тартиб қоидаларини бузганлиги сабабли 79 нафар абитуриент тест синовларидан четлаштирилган.

Давлат гранти бўйича энг юқори ўтиш бали Қорақалпоқ давлат университетининг «Юриспруденсия» (ўзбек) таълим йўналишида қайд этилган (208,2 балл). Тўлов-контракт бўйича энг юқори ўтиш бали эса шу олийгоҳнинг «Юриспруденсия» (қорақалпоқ) таълим йўналиши кузатилган (150,6 балл).

Шундай қилиб, 6 август куни давлат грантига ўртача ўтиш бали 112,6 баллни, тўлов-контрактга ўртача ўтиш бали эса 86,4 баллни ташкил этган. Тест синовларининг олтинчи куни натижалари билан DTМ сайтининг http://www.dtm.uz/page/test_result саҳифасида 7 август куни соат 19:10 дан бошлаб танишиш мумкин бўлди.