Мексика ҳукумати ота-оналарни ўсмирлар учун янги ўйин хавфи ҳақида огоҳлантирди, деб ёзади The Mirror.
Momo номли интерактив ўйин WhatsApp орқали тарқалмоқда. Дастлаб аноним куратор иштирокчига зўравонлик элементлари бўлган қўрқинчли суратларни юборади, сўнг турли буйруқларни бажаришни таклиф қилади. Агар ўсмир бош тортса, унга таҳдидлар кела бошлайди.
«Жиноятчилар ўйиндан шахсий маълумотларни ўғирлашда фойдаланиши мумкин, ўз жонига қасд қилишга ёки зўравонликка ундаши мумкин, жисмоний ва руҳий хасталиклар юзага келишига олиб келиши мумкин», — деди Мексиканинг Табаско штати кибержиноятчиликка қарши курашиш бўлими ходимлари.
Журналистлар Momo’ни Россияда тарқалиб, ўсмирларни ўз жонига қасд қилишга ундаган «Кўк кит» ўйинига қиёслади.
Аргентина полицияси фикрича, Momo 12 ёшли маҳаллий қизчанинг ўлимига сабаб бўлган. У ўзини ўз ҳовлисида ўлдиришидан бир неча дақиқа аввал видеога туширган, шу сабабли полициячилар кимдир уни ўз жонига қасд қилишга ундаган, деб тахмин қилмоқда.
Изоҳ (0)