Россия тергов қўмитаси Федерал қўриқлов хизмати генерал-майори Игорь Василевга нисбатан Россия президентининг Ново-Огарёводаги қароргоҳини реконструкция қилиш жараёнидаги ўғриликлар ҳақидаги иш бўйича камомадга йўл қўйиш айбловини эълон қилди, деб ёзади Meduza. Бу ҳақда «Росбалт» вазиятдан хабардор манбасига таяниб хабар тарқатган.
Тергов версиясига кўра, муҳандислик-техник таъминот хизматини бошқарган генерал «Балцтрой» компаниялар гуруҳи эгаси ва Федерал қўриқлов хизматининг бошқа юқори мансабли шахслари билан биргаликда Ново-Огарёвода кондиционерларни ўрнатиш ва томни қуриш нархларини ошириб кўрсатган ҳолда 1,5 миллиард рублни ўғирлаган.
Тергов якунида айбланувчилар орасида Федерал қўриқлов хизмати ходимлари пайдо бўлганини ҳисобга олганда, ишни кўриб чиқиш ҳарбий судга берилиши мумин.
2017 йилнинг июлида Тергов қўмитаси Путиннинг Ново-Огарёводаги қароргоҳи қурилишидаги ўғриликлар ҳақидаги жиноий ишга «ўта махфий» грифини берган ва қурилиш ишлари ҳақидаги маълумотлар давлат сири эканлигини баҳона қилган эди.
Изоҳ (0)