15 июль куни Хельсинкида Россия президенти Владимир Путин билан бўлиб ўтган учрашув фойдали бўлди ва у билан алоқаларни йўлга қўйиш имконини берди. Бу ҳақда АҚШ президенти Дональд Трамп айтиб ўтди, деб ёзади «Интерфакс».
«Мен Хельсинкида Владимир Путин билан ажойиб учрашув ўтказдим. Биз ҳамма нарсани муҳокама қилдик… Яхши тил топишиб кетдик», — деди у Пенсильваниядаги митингда.
Дональд Трамп қўшимча қилди: «Дарвоқе, бу яхши, ёмон эмас. Ҳозир эса бизга Россия мистификацияси халал бермоқда. Ахир бу мистификация, шундай эмасми?»
Шу билан бирга, Америка президенти АҚШнинг бўлиб ўтган саммитга муносабатини изоҳлар экан, ундан россиялик ҳамкасби билан бокс матчини кутишганини айтди.
Изоҳ (0)