«Ойижон» фильмини тасвирга олган режиссёр Зулфиқор Мусоқов Facebook’даги саҳифасида Фарангиз Режаметованинг ЙТҲда ҳалок бўлганига муносабат билдирди.
«Мусибат ва алам. Бир нечта фильмларда суратга тушган актриса Фотима Режаметовани ёшгина қизи Фарангиз (у «Ойижон» фильмида эсда қолди) автомашина ғилдираклари тагида ҳалок бўлди. Ота ва онасига сабр тилайман, бандалик... Алам? Ҳа, алам ва ғазаб. Ўша Mercedes’да тезликни ошириб юрган ва бир одамни бошини еган аблаҳга минг лаънат. Бунақа жиноятчиларни аяб, битта одамни машинасида ўлдиргани учун атиги 7 йил, икки ва ундан ортиқ одам ўлса атиги 10 йил қамоқ жазосини ўйлаб топган қонунчиларга уят», деб ёзади Мусоқов.
Зулфиқор Мусоқов бундай мудҳиш йўл-транспорт ҳодисалари содир этилишининг олдини олиш учун мавжуд қонун-қоидаларга ўзгартиришлар киритишни таклиф этган.
«Ўлганга ва унинг яқинларига уларни жигари нимадан ўлгани барибир: пичоқданми ёки ғилдиракданми. Натижа бутун бошли бир инсон йўқ бўлди. Агар ҳайдовчи одам уриб юборса, 25 йил ҳеч қанақа амнистиясиз қамалишини билса, ўшанда минг маротаба ўйлаб кўради тезликни оширишни, оғзига спирт ичимликни олишни ҳам ўйлаб кўради. Лекин қонунчилар пиёда юришмайди, улар ёзда кондиционерсиз автобусда ҳам юришмайди, уларни ҳовлисидаги чинорларни ҳам кесишмайди, пенсиясини ҳам бир-икки парча қоғоз деб йиллаб меҳнатини кесишмайди», дея киноя қилади режиссёр.
Изоҳ (0)