Бухорода 11 млн сўм ва 22 минг долларни ўзлаштирган фирибгар ушланди

Бухоро вилоятининг Ғиждувон тумани «Бобур» МФЙда яшовчи Ф.Р. 4 июль куни ИИБга мурожаат қилиб, йирик суммадаги фирибгарликка дуч келганини маълум қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Шу йил 5 май куни «Памуза» МФЙда яшовчи М.А. унга Туркманистондан арзон нархда автомобиль эҳтиёт қисмларини олиб келиб беришини айтади.

Алдов йўли билан 11 миллион сўм ва 22 минг АҚШ долларини олади, бироқ ваъдасини бажармай, пулларни ўз эҳтиёжи учун ишлатиб юборади.

Кўрилган чоралар натижасида М.А. қўлга олинган.