Халқ депутатлари Учтепа туман кенгаши депутати Нуриддин Зайнитдинов Facebook`даги саҳифасида Андижон вилоятида ички ишлар ходимларининг ноқонуний ҳаракатларига муносабат билдирди.
«Андижон вилоятининг Олтинкўл ва Бўз туманларида ички ишлар органлари ходимлари фуқароларнинг ҳуқуқлари, эркинликлари ва қонуний манфаатларини ана шундай ҳимоя қиляптими?
‘Ички ишлар органлари тўғрисида’ги қонун қийноқларга солиш, зўравонлик қилиш, шафқатсиз, инсон қадр-қимматини камситадиган тарзда муомалада бўлишни тақиқлайди.
Агар қонунда бошқача қоида назарда тутилмаган бўлса, ички ишлар органлари фуқаронинг шаъни, қадр-қиммати ёки нуфузига путур етказадиган, унинг шахсий ҳаётига тааллуқли бўлган маълумотларни ошкор қилишга ҳақли эмас.
Олдинроқ Олтинкўл туман ИИБ ходимининг фуқарога қўл кўтаргани акс этган видео чиққанди. Бугун эса Бўз туманида кечаси кўчада юрган ўсмирга нисбатан куч ишлатилди.
Тегишли вазирликдан кимдир ўзи нималар бўлаётганини тушунтириб берар балки?»
Туман кенгаши депутати ўз постида «Ички ишлар органлари тўғрисида»ги қонун талабларини ҳам эслатиб ўтган.
Изоҳ (0)