Эртага, 15 июль куни тонгда бир йўла уч нафар ўзбекистонлик профессионал боксчи АҚШда навбатдаги жангларини ўтказади, деб хабар беради МОҚ матбуот хизмати.
Рио-2016 Олимпиадаси чемпиони Фазлиддин Ғоибназаров америкалик боксчи Кевин Жонсонга қарши рингга кўтарилади. Маълумот учун Фазлиддин шу кунгача проф рингда тўртта жанг ўтказиб, уларнинг барчасида ғалаба қозонган (2 тасида нокаут билан). Унинг рақиби эса бешта жанг ўтказиб, барчасида рақибларини мағлуб этган (4 тасида нокаут).
Жаҳон чемпиони, Рио-2016 Олимпиадаси финалчиси Шаҳрам Ғиёсов эса мексикалик Даниэл Эчеверрияга қарши жанг ўтказади. Шаҳрам проф рингда 2 та жанг ўтказиб, уларнинг ҳар иккисида ғалаба қозонган (1 таси нокаут билан). Мексикалик боксчи эса 24 та жанг ўтказиб, уларнинг 19 тасида ғалаба қозонган (17 таси нокаут). 5 та жангда мағлубиятга учраган (2 таси нокаут).
Рио-2016 Олимпиадаси ва жаҳон чемпионати совриндори Муроджон Аҳмадалиевга эса аргентиналик Луис Фернандо Молина рақиблик қилади. Аҳмадалиев бунгача икки маротаба жанг ўтказиб, уларнинг иккаласида ҳам рақибларини нокаут эвазига мағлубиятга учратган. Молина эса 12 та жанг ўтказган. Шу жангларнинг 7 тасида у рақибларини мағлуб этган (2 тасида нокаут). 4 та жангда эса имкониятни бой берган. Битта жангда дуранг қайд этган.
Бугун ҳар уччала боксчи жанг олдидан вазн ўлчаш маросимларида иштирок этди.
Изоҳ (0)