Тошкент шаҳрида 6 июлдан бошлаб «Бунёдкор» шоҳ кўчасининг Муқимий кўчасидан Кичик ҳалқа йўлигача (метронинг «Чилонзор» бекати) бўлган қисми транспорт қатнови учун ёпилади. Бу ҳақда ИИББ ахборот-мультимедиа маркази маълум қилди.
Қатнов мазкур ҳудудда барпо этилаётган йўл ўтказгичдаги қурилиш ишлари якунлангунча тўхтатилади.
Мазкур йўл ўтказгич ёз фасли охиригача фойдаланишга топширилиши кўзда тутилмоқда. Унинг узунлиги 667,5 метр бўлиб, 8 метр баландликдаги 23 та устунга эга.