Украинанинг Днепр шаҳрида 6 июлга ўтар кечаси икки нафар номаълум киши бир эркакка кўп қаватли уйнинг ҳовлисида ҳужум қилди ва унинг телефонини олиб кетди. Уларни ўғирланган телефонга қўнғироқ орқали топишга муваффақ бўлинган. Бу ҳақда «Корреспондент.net» хабар берди.
Жабрланувчининг сўзларига кўра, у — гитарачи ва репетициядан кейин ўз уйи олдида ичимлик ичмоқчи бўлган.
Шунда унга икки киши яқинлашиб келган ва бир неча марта зарба берган. Улар гитарачининг битта телефонини олиб кетган, иккинчи телефон эса эркакнинг тагида қолиб, синган.
Шундан сўнг полицияга мурожаат қилинган. Полиция ҳудудни айланиб чиқиш чоғида икки нафар шубҳали эркакни кўриб қолган, уларга яқин бориб, жабрланувчи томонидан берилган рақамга қўнғироқ қилган. Эркакларнинг ёнидаги телефон жиринглаган, улар политасияни кўриб, ўғирланган телефонни яширишга уринган. Талончилар қўлга олинган.