5 июль, пайшанба куни Мексиканинг Мехико штатида жойлашган Тультепек шаҳрида пиротехника ишлаб чиқариш бўйича устахоналар портлаб кетди, оқибатда 24 киши ҳалок бўлди, деб ёзади «ТАСС» ҳудуд маъмурларига таяниб.
Тультепекда жами тўртта портлаш юз берган. Қурбонлар орасида бир нафар вояга етмаган шахс ҳам бор. Шунингдек, 49 киши жабрланган.
Ҳодиса юз берган туманда фейерверклар ишлаб чиқаришга расман рухсат берилган.
Портлашлардан бири воқеа жойига шифокорлар, полиция ходимлари ва қутқарувчилар етиб келганидан кейин содир бўлгани туфайли, қурбонлар орасида бир неча ўт ўчирувчи ва полициячилар ҳам бор.
Мексика президенти Энрике Пенья Ньето қурбонларнинг оилаларига ҳамдардлик билдириб, жабрланганларга тезроқ соғайишни тилади.
Изоҳ (0)