Тошкент шаҳар Олмазор туманининг «Тепагузар» МФЙда 30 кишилик тўй ўтказилди, деб ёзади ЎзА МФЙ раиси Абдували Умаржоновга таяниб.
«Маҳалламизда ортиқча исрофгарчиликсиз намунавий тўй ўтказдик. Бир йигит оила қуриш ниятидалигини айтиб, бизга мурожаат қилди. Маҳалла фаоллари ўзаро кенгашган ҳолда, 30 кишилик жуда чиройли ва ихчам тўй ўтказдик. Тўйдан тежалган маблағни эса ҳамкорлар билан келишиб, ёш оилага кредит асосида уй олиб беришга сарфладик», — деди у.
Эслатиб ўтамиз, Олмазор туманида 29 июнь куни бўлиб ўтган фаоллар йиғилишида Ўзбекистон Президенти Шавкат Мирзиёев яна бир бор тўй-маросимлар масаласига тўхталиб ўтган, олмазорликларни 50 кишилик тўй қилишни бошлаб бериб, бутун Тошкентга намуна бўлишга чақирган эди.
Изоҳ (0)