Ўзбекистонлик оқсоқоллар МДҲда энг узоқ умр кўрувчи пенсионерлар экан. Бу ҳақда «Nuz.uz» хабар бермоқда.
Статистик маълумотларга кўра, Ўзбекистонда ўртача умр узоқлиги аёллар учун 75 ёш, эркаклар учун 69,7 ёшни ташкил қилади.
Мутахассислар ушбу ёшдан нафақага чиқиш ёшини олиб ташлади. Ўзбекистонда бу эркаклар учун 60 ёш, аёллар учун 55 ёш. Натижада ўзбекистонлик онахонлар пенсия ҳисобига ўртача 20 йил, отахонлар 9,7 йил яшаши маълум бўлди.
Пенсионерларнинг умумий ёши эса 29,7 ёшни ташкил қилиб, МДҲда энг юқори натижани кўрсатди.
Россияда ушбу кўрсаткич 29,6 ёшга тенг бўлди: аёллар учун 23,2 ёш, эркаклар учун эса 6,4 ёшни ташкил қилди.
Учинчи ўринни эгаллаган Белорусда пенсионерларнинг умумий ёши 27 ёшни ташкил қилди. Аёллар учун 21 ёш ва эркаклар учун — 6 ёш.
Қозоғистон рейтингнинг энг пастки қаторидан ўрин олди. Бу ерда пенсионерларнинг умумий ёши 16 ёшни ташкил қилди. Эркаклар умр узоқлиги ўртача 67 ёш, аёллар эса 75 ёш эканлиги маълум бўлди. Нафақага чиқиш ёши эса барча учун бир хил — 63 ёш.
Изоҳ (0)