Тошкент шаҳридаги Next оилавий мажмуасида республика қон қуйиш маркази билан ҳамкорликда Қон донорлари кунига бағишланган хайрия акцияси бўлиб ўтади. Бу ҳақда акция ташкилотчилари «Дарё»га маълум қилди.
Мажмуа ҳудудида сайёр мутахассислар гуруҳи фаолият кўрсатувчи махсус жой билан таъминланади.
Акция 21 июндан бошланиб 23 июнгача давом этади. Қарши кўрсатмаларга эга бўлмаган барча хоҳловчилар донор бўлиши мумкин. Қон топшириш жараёни мутлақо хавфсиз ва кўп вақт талаб этмайди (20—30 дақиқа).
Донор қони ҳар куни:
• жарроҳлик амалиётига муҳтож беморлар;
• ЙТҲда, ёнғин ва бошқа фавқулодда ҳолатларда жабр кўрганлар;
• оғир кечган туғиш жараёнида аёллар ва янги туғилган чақалоқлар;
• онкологик хасталар;
• лейкоз, гемофилия ва бошқа қон касалликлари билан оғриганлар;
• бошқа тоифадаги оғир касалларга жуда ҳам зарурдир.
Бугунги кунда беморнинг ҳаётига жиддий хавф туғилганида қон ва унинг компонентлари қуйилади. Демакки, ҳар гал донор қон берганида, у кимнингдир ҳаётини асраб қолишда иштирок этади.
Изоҳ (0)