Америкалик рэпер Жимми Уопо Питтсбургда отиб кетилди. 18 июнь куни кечаси икки нафар эркак йўлдан ўтаётган машина ичидагилар томонидан ўққа тутилган. Бу ҳақда CBS’га таяниб, «Интерфакс» хабар берди.
Жароҳат олганларнинг иккиси ҳам шифохонага етказилган, бироқ орадан бир неча соат ўтгач улардан бири вафот этган. Рэпернинг менежери нохуш ҳодиса оқибатида ўзининг 21 ёшли мижози вафот этганини тасдиқлади.
Ушбу ҳодисадан бир неча соат олдин Флоридада бошқа бир рэпер — XXXTentacion тахаллуси билан танилган Жасей Дуэйн Онфрой ҳам отиб кетилганди.
Изоҳ (0)