XXXTentacion тахаллуси билан танилган америкалик рэпер Жасей Дуэйн Онфрой 18 июнь, душанба куни Майамида вафот этди. Бу ҳақда TMZ порталига таяниб, «ТАСС» хабар берди.
Маълумотларга кўра, нохуш ҳодиса рэпер мотосалондан чиққанида содир бўлган. Номаълум шахс Онфройнинг олдига келиб унга ўқ узган ва қўшиқчининг сумкасини олиб, воқеа жойидан яширинган. Рэпер кома ҳолатига тушган, бироқ кейинроқ Броуард округи полициясининг маълум қилишича, рэпер шифохонада вафот этган.
XXXTentacion 1998 йилда Флоридадаги Плантейшен шаҳрида туғилган. Онфройнинг 2017 йилда чиқарган «17» номли альбоми АҚШда энг кўп сотилган альбомлар рейтинги — Billboard 200’да иккинчи поғонани эгаллаган.
Изоҳ (0)