ТИВда Европа Иттифоқи вакиллари билан Марказий Осиё бўйича янги стратегия муҳокама қилинди

12 июнь, сешанба куни Ташқи ишлар вазирлигида Европа Иттифоқи делегацияси билан учрашув бўлиб ўтди. Бу ҳақда Ташқи ишлар вазирлиги матбуот хизмати хабар бермоқда.

Делегация таркибида Европа Иттифоқининг Марказий Осиё бўйича махсус вакили Питер Буриан ва Афғонистон бўйича махсус вакили Роланд Кобиа ташриф буюрган.

Учрашувда Ўзбекистон ва Европа Иттифоқи ўртасидаги ҳамкорлик истиқболлари муҳокама қилинди. Алоҳида эътибор ЙИнинг Марказий Осиё бўйича янги стратегияси лойиҳасига қаратилди.

Томонлар шериклик ва ҳамкорлик тўғрисидаги янгиланган икки тарафлама битим бўйича музокараларни бошлаш юзасидан фикр алмашди.