Мажбурий ижро бюроси (МИБ) Хоразм вилояти бошқармаси ҳамда давлат солиқ бошқармаси томонидан қарздорларнинг мол-мулкини хатловга олиш, баҳолатиш ва аукционда сотиш бўйича қўшма тадбирлар ўтказилди. Бу ҳақда Хоразм вилояти давлат солиқ бошқармаси матбуот хизмати «Дарё»га хабар берди.
Тадбирларга 26 нафар давлат солиқ хизмати ходими ва 24 нафар Мажбурий ижро бюроси ижрочиси — жами 50 киши жалб қилинди.
2018 йилнинг ўтган даврида 193 та юридик ва жисмоний шахснинг 7,9 миллиард сўмлик 162 та мол-мулки (31 та бино-иншоот, 44 та транспорт воситаси, 21 та офис жиҳози ва 66 та бошқа турдаги мол-мулк) солиқ қарзи ҳисобига хатловга олинди.
Шунингдек, хатлов тадбирлари натижасида 69 та қарздорнинг 305,6 миллион сўмлик қарзи ундирилди.
Изоҳ (0)