Аввал хабар берилганидек, Ўзбекистон футбол ассоциацияси ва Мадриднинг «Реал» жамоаси академияси ўртасидаги келишувга асосан Ўзбекистонда Real Madrid Foundation Clinic дастурини ишга тушириш бўйича ҳаракатлар бошланганди.
Айни дамда мазкур дастурга асосан «Қироллик клуби»нинг 3 нафар мураббийи — Карлос Альберт, Мануэль Агуадо Хил ва Эктор Висенте Тошкентда бўлиб турибди.
Кеча, 3 июнь санасида испаниялик меҳмонлар иштирокида «Бунёдкор» стадионида Real Madrid Foundation Clinic дастурининг очилиш маросими бўлиб ўтди.
Маълумот учун «Реал Мадрид» академияси мураббийлари Ўзбекистонда 16 июнь кунига қадар бўлиб, турли амалий тадбирлар ўтказади. Тадбирлар давомида болалар билан турли мастер класслар, назорат учрашувлари, «Суммер cуп» турнири ва бошқа мусобақалар ўтказилиши режалаштирилган.
«Дарё» ушбу маросимдан фотосуратларни тақдим этади.
Изоҳ (0)