Тошкентдаги «Бунёдкор» стадиони тез орада ўз номини ўзгартиради. Баъзи ОАВларда эълон қилинганидек, стадион номи ҳали расман «Миллий» деб ўзгартирилгани йўқ. Бу ҳақда «Дарё»га ПФЛ вакили маълум қилди.
Манбанинг таъкидлашича, ҳозирги вақтда стадион номини ўзгартириш борасида юридик жараёнлар амалга оширилмоқда. Аммо стадион номининг ўзгартирилиш санаси ҳали аниқ эмас.
Маълумот учун «Бунёдкор» стадиони 34 минг томошабинга мўлжалланган бўлиб, у 2012 йил августда фойдаланишга топширилган(қурилиш ишлари 2009 йилда бошланган эди). Стадионнинг очилиши маросими 2012 йил 28 сентябрда бўлиб ўтган.
«Бунёдкор» стадионидаги илк расмий ўйин эса 2013 йил 26 мартда Ўзбекистон ҳамда Ливан терма жамоалари ўртасида бўлиб ўтган.
Изоҳ (0)