Ўзбекистон Ташқи ишлар вазирлиги делегацияси 2018 йилнинг 24—25 май кунлари Ереван шаҳрида ҳамкорликнинг ҳуқуқий базасини инвентаризация қилиш ва такомиллаштириш бўйича Ўзбекистон—Арманистон маслаҳатлашувларида иштирок этди.
Ўзбекистон ТИВ матбуот хизматидан маълум қилишларича, учрашувда Арманистон томонидан ТИВнинг Юридик департаменти директори Сатеник Абгарян бошчилигидаги делегация қатнашди.
Хабар беришларича, учрашувда шартномавий-ҳуқуқий базанинг умумий ҳолати кўриб чиқилган, икки томонлама ҳужжатлар лойиҳалари юзасидан фикр алмашилган, ҳамкорликни янада ривожлантириш, унинг ҳуқуқий асосларни кенгайтириш масалаларини муҳокама қилинган.
«Маслаҳатлашувлар давомида икки мамлакатнинг савдо-иқтисодий, инвестиция, туризм ва транспорт-коммуникация соҳаларидаги ҳамкорлигини фаоллаштириш учун зарур бўлган ҳуқуқий базани шакллантиришга алоҳида эътибор қаратилди», — дейилади ТИВ ахборотида.
Изоҳ (0)