Ўзбекистонда ҳар ойда «Автомобильсиз кун» акцияси, ҳар ҳафта эса «Йўл ҳаракати хавфсизлиги куни» ўтказилади. Бу ҳукуматнинг «Ўзбекистон Республикасида ҳаракат хавфсизлигини таъминлаш тизимини янада такомиллаштириш чоралари тўғрисида»ги қарорида кўзда тутилган, дея хабар беради Sputnik.
Ҳужжатга мувофиқ, Ўзбекистоннинг барча ҳудудларида доимий равишда ҳар ой «Автомобильсиз кун» акцияси ўтказилади. Мазкур акция йўлларда хавфсизлик масаласига жамоатчилик эътиборини жалб этиш, автотранспорт воситаларисиз ҳаракатланиш мумкин ва зарурлигини намойиш этишга қаратилган.
Ҳар ҳафтанинг жума куни эса «Йўл ҳаракати хавфсизлиги куни» ўтказилади. Унинг доирасида барча вазирлик, муассаса ва бошқа ташкилотлар томонидан йўл ҳаракати қоидаларига оғишмай риоя этилиши, йўл-транспорт ҳодисалари профилактикасини таъминлаш бўйича фаол чоралар кўрилади.
Қарор билан Ўзбекистонда ҳаракат хавфсизлигини таъминлашнинг 2018—2022 йилларга мўлжалланган концепцияси тасдиқланди.
Шунингдек, қарор иловасида Ўзбекистон ҳудудида фаолиятини тўхтатаётган 74 та йўл-патруль хизмати стационар пости ва патруль-пост хизмати пости рўйхати келтирилган.
Изоҳ (0)