Бош прокуратура ота-она қарамоғидан маҳрум бўлган Тошкент шаҳридаги 22-сонли «Меҳрибонлик уйи» тарбияланувчиси С.Қурбонованинг уй-жой ажратиб берилишида амалий ёрдам кўрсатиш ҳақидаги мурожаатини кўриб чиқди.
С.Қурбонова 2013 йил 16 майда Самарқанд шаҳар ҳокимлигига уй-жой билан таъминлаш масаласида мурожаат қилган бўлса-да, ҳокимлик томонидан бунинг чораси кўрилмасдан, шаҳар Халқ таълими бўлимига мурожаат қилиши ҳақида тушунтириш берилган.
Вазирлар Маҳкамасининг «Етим болалар ва ота-она қарамоғидан маҳрум бўлган болаларни турар жойлар билан таъминлаш чора-тадбирлари тўғрисида»ги қарорига асосан С.Қурбоновани уй-жой билан таъминлаш мақсадида Самарқанд вилоят ҳокимлигига мурожаат қилиниб, унга Самарқанд шаҳри, Ғ.Каримов кўчасида жойлашган барча шароитларга эга 17-хонадон ажратиб берилиши таъминланди.
С.Қурбонованинг муқаддам уй-жой ажратиб бериш масаласида қилган мурожаатларини кўриб чиқишда сансалорликка йўл қўйган мутасадди идоралар мансабдор шахсларига нисбатан прокурор назорати ҳужжатлари қўлланилди.
Изоҳ (0)