Бухоро вилоятининг Олот туманида жойлашган Олот чегара-божхона пости реконструкция қилиниб, бутунлай янгича қиёфа касб этди, деб хабар беради Бухоро вилояти ҳокимлиги ахборот хизмати.
«18 миллиард сўмдан ортиқ маблағ эвазига бажарилган кенг кўламли қурилиш ва реконструкция ишларидан сўнг, эндиликда мазкур чегара пункти орқали сутка давомида ўртача 700—900 нафар фуқароларнинг давлат чегаралари орқали қатнови ҳеч бир муаммосиз амалга оширилмоқда.Бундан ташқари, бир кунда 250 тадан 400 тагача юк ва енгил транспорт воситалари давлат чегарасидан ўтказиляпти», — дейилади хабарда.
Ушбу чегара-божхона постининг очилишида вилоят ташкилотлари раҳбарлари, божхона хизмати ходимлари ва чегарачилар, Олот ва Қоракўл туман фаоллари ва кенг жамоатчилик вакиллари иштирок этди.
Изоҳ (0)