Вазирлар Маҳкамаси ҳузуридаги Таълим сифатини назорат қилиш давлат инспекцияси жорий йилнинг 14—18 май кунлари Қашқадарё вилоятидаги умумтаълим муассасаларини аттестациядан ўтказиш жараёнини назорат қилиш, ўқувчилар билимининг Давлат таълим стандартларига мослигини таҳлил қилиш, олдинги ўрганишларда аниқланган камчиликларни бартараф этиш бўйича ишлаб чиқилган чора-тадбирларнинг натижавийлиги ва самарадорлигига баҳо бериш ҳамда таълим сифатини ошириш борасида ёрдам кўрсатиш мақсадида ташриф буюрди. Бу ҳақда инспекция матбуот хизмати хабар берди.
Маълум бўлишича Чироқчи туманидаги 31-сонли умумтаълим мактабининг филиали Янгиобод МФЙ, Қорабуруғ қишлоғ ида жойлашган бўлиб, у 2006 йилда ҳашар йўли билан қурилган. Ўрганиш давомида аниқландики, бу ерда таҳсил олувчи 37 нафар ўқувчилар учун умуман шароит яратилмаган.
Бу масканда таълим сифати эмас, балки ўқувчилар хавфсизлигига жавоб бермаслиги аниқланди.
Шу куннинг ўзида Таълим сифатини назорат қилиш давлат инспекцияси ходимлари саъй-ҳаракати туфайли туман аттестация комиссия аъзолари чақиртирилди ва муаммони зудлик билан бартараф этиш бўйича чора-тадбир ишлаб чиқилди ва амалга оширилди.
2018 йил 17 май туман ҳокимининг 61-ф-сонли фармойишига биноан мактаб филиали ўқувчилари Чироқчи қишлоқ хўжалик ва касб-ҳунар коллежининг Қорабуруғ филиалига кўчирилди.
Изоҳ (0)