Россиянинг Санкт-Петербург шаҳридаги «Пятерочка» дўконида ишлаган ўзбекистонлик аёл маҳсулотларни талон-торож қилишда гумонланмоқда. У дўкондаги маҳсулотларни харидорларга бепул бериб юборган, бир қисмини эса ўзи олган. Бу ҳақда Sputnik хабар берди.
Дўкон раҳбарияти ҳуқуқни муҳофаза қилувчи органларга мурожаат қилган. Аризачиларнинг маълумотларига кўра, аёл маҳсулотларни ўз қариндошларига бериб юборган.
Аёлнинг сўзларига кўра, у маҳсулотларни қариндошларига эмас, балки унга номаълум бўлган харидорларга, раҳми келганидан бериб юборган. 15—30 апрель кунлари кассир аёл пули бўлмаган кекса кишиларга маҳсулотларни кассадан ўтказмасдан берган.
Шунингдек, у маҳсулотлардан ўзи учун ҳам олганини тан олган.
Изоҳ (0)