Бразилияда 5 май, шанба куни юз берган йирик йўл-транспорт ҳодисаси оқибатида камида тўққиз киши ҳалок бўлди, яна 30 киши турли даражада тан жароҳати олди.
«РИА Новости» ахборотига кўра, ҳодиса Парана штатидаги катта йўлда юз берган — беморларни шифохонага олиб кетаётган автобус енгил машина билан тўқнашиб кетган.
Йўл полицияси маълумотларига кўра, енгил автомобиль қувиб ўтишга уринган, бироқ ўзининг ҳаракатланиш бўлагига қайтишга улгурмай, автобусга бориб урилган, оқибатда автобус ағдарилиб кетган.
Қурбонларнинг икки нафари енгил машина йўловчилари, қолган етти киши эса автобус салонида бўлгани айтилмоқда.