Австралияда икки кенгуру уларни фастфуд билан меҳмон қилмоқчи бўлган сайёҳларга ҳужум қилди

Австралияда икки ёввойи кенгуру уларни McDonald’s таомлари билан меҳмон қилмоқчи бўлган сайёҳларга ҳужум қилди. Бу ҳақда The Guardian хабар бермоқда, деб ёзади «РИА Новости».

Ҳужум юз берган Маккуори кўли ёввойи кенгуруларни кўриш ва уларни озиқлантириш мумкинлиги билан сайёҳларни ўзига жалб қилади.

«Кенгурулар тажовузкорлик кўрсатган бир нечта ҳодиса қайд этилган. Кўпчилик ҳолатларда улар юзларни тимдалаб, жароҳатлар етказади», — дейди Янги Жанубий Уэльс штати парламенти депутати Грэг Пайпер.

Сидней ҳайвонот боғи диетологи Мишель Шоу сайёҳлар кенгуруга овқат таклиф қила туриб, уларга зарар етказиши мумкинлиги, ҳатто мева ва сабзавотлар ҳам уларда ошқозон ярасини келтириб чиқариши ва тўғри овқат ҳазм қилишга тўсқинлик қилиши мумкинлигини маълум қилади.