Ўзбекистон Олий ва ўрта махсус таълим вазири Ином Мажидов ва Мактабгача таълим вазири Агрепина Шин раҳбарлигидаги Ўзбекистон делегацияси Пучон университети таклифи билан Жанубий Кореяга ташриф буюрди. Бу ҳақда Мактабгача таълим вазирлиги матбуот хизмати хабар берди.
Ташриф 28 апрелдан 1 майга қадар давом этади.
Ўзбекистон делегацияси Пучон университетининг 60 йиллигига бағишланган байрам тадбирига ташриф буюрди. Маросимда Пучон университети, Ўзбекистон Олий ва ўрта махсус таълим вазирлиги ҳамда Мактабгача таълим вазирлиги ўртасида Тошкент шаҳрида Пучон университети филиалини очиш тўғрисида уч томонлама битим имзоланди.
Таъкидланишича, Пучон университети Жанубий Кореянинг энг нуфузли олий таълим муассасаларидан бири ҳисобланади. Бугунги кунда ОТМда 26 факультет фаолият юритади.
Изоҳ (0)