Rossiyaning Suriyadagi urushayotgan tomonlarni yarashtirish markazi rahbari general-mayor Yuriy Yevtushenkoning ma’lum qilishicha, Sharqiy Gutaning 63 mingdan ortiq aholisi qochoqlar lageridan o‘z uylariga qaytgan, deb xabar beradi “Gazeta.ru”.
“Tomonlarni yarashtirish Markazining va Suriya hukumatining qo‘llab-quvvatlovi sabab qochoqlar lageridagi 63 164 nafar aholi o‘zlarining Sharqiy Gutadagi uylariga qaytdi”, — deydi Yevtushenko.
Shuningdek, uning qo‘shimcha qilishicha, yarashtirish markazi Damashq viloyatidagi Jab-As-Safo aholi punktiga gumanitar yordam ko‘rsatgan. Odamlarga 450 turdagi oziq-ovqat mahsulotlari yetkazilgan. Gumanitar yordamning jami og‘irligi ikki tonnani tashkil etadi.
Izoh (0)