Америкалик эркак Facebook’даги тўғридан-тўғри трансляция чоғида бошидан ўқ еди (видео)

АҚШлик эркак Facebook’даги тўғридан-тўғри трансляция чоғида бошидан ўқ еди, деб ёзади «РИА Новости».

Ҳодиса акс этган видеода автомобиль салонида ўтирган икки эркак ва бир аёлни кўриш мумкин. Орқа ўриндиқда ўтирган эркак ёнидан тўппонча олиб, камера қаршисига қўяди. Олд ўриндиқдаги қиз уни олиб, дастлаб камера объективига, сўнг ёнида ўтирган эркакка қаратади.

Шунда эркак аёлни тинчлантиришга ҳаракат қилиб, бу вазиятдан (тўппонча унга қараб турганидан) асабийлашаётганини айтади. Орқа ўриндиқдаги эркак эса тўппончанинг ўқланмаганини таъкидлайди. Шу пайтда ўқ отилади.

Полициячилар воқеа жойидан қочишга уринган 25 ёшли Кассандра Дамперни қўлга олди. Қизнинг сўзларига кўра, у қуролда ўқ борлигини билмаган.

Жабрланувчи — 26 ёшли Девин Холмс айни пайтда шифохонада, у ҳаётни таъминлаш қурилмасига улаб қўйилган.