Ўзбекистонда яна бир ер силкиниши қайд этилди

30 март куни соат 23:45 да Ўзбекистон ҳудудида ер силкиниши қайд этилди. Бу ҳақда ФВВ Сейсмопрогностик мониторинг маркази маълум қилди.

Зилзила маркази Тошкент шаҳридан 465 километр узоқликда, Афғонистонда бўлган ва магнитудаси 5,2 баллни ташкил этган.

Ер силкиниши кучи Тошкент шаҳри, Тошкент, Самарқанд, Сирдарё, Фарғона, Наманган, Андижон, Жиззах, Қашқадарёда 2 балл, Сурхондарёда эса 2-3 баллни ташкил этди.

Ўзбекистоннинг бошқа ҳудудларида ер силкиниши қайд этилмади. Талафотлар ва жабрланганлар тўғрисида маълумот келиб тушмади.

Эслатиб ўтамиз, бу 30 март куни Ўзбекистонда кузатилган иккинчи зилзила бўлди. Шу куни соат 03:54 да ҳам 2-3 балли ер силкиниши қайд этилганди.