Ўзбекистонда янги интернет телеканал ишга тушади. Бу ҳақда Ахборот технологиялари ва коммуникацияларини ривожлантириш вазирлиги маълум қилди.
Телеканал ахборот-коммуникация технологиялари ва инновациялар мавзусига йўналтирилади.
Вазирлик ва «Xabar.uz» ахборот-таҳлилий портали янги ташкил этилаётган интернет телеканалда ишлаш учун бошловчи ва журналистлар ўртасида танлов эълон қилди.
«Биз ёрқин истеъдодларни қидирмоқдамиз. Журналистик фаолият бўйича тажрибангиз бўлса, янада яхши! Асосий талаблар: ўзбек, рус ва инглиз тилини билиш, матн ёзиш маҳорати, чиройли ташқи қиёфа (бошловчилар учун), равон нутқ, киришимлилик ва саводхонлик», — дейилади эълонда.
Шунингдек, техник ходимлар телетасвирчилар, монтаж усталари, графика усталари, чироқчи-техниклар, овоз оператори учун ҳам танлов кетмоқда.
Изоҳ (0)